Sæl öll
Vegna mikils vatnsveðurs í dag höfum við ákveðið að vera með æfinguna inni í litla salnum.
Með kveðju
Valþór Halldórs.
26 júní 2013
24 júní 2013
Sæl Öll
Takk kærlega fyrir helgina - ég gat ekki betur séð en að strákarnir okkar væru frekar ánægðir og svolítið sólbrúnir og mikið þreyttir í eftir verðlaunaafhendinguna í íþróttahöllinni á Sunnudaginn.
Það eru nokkrir hlutir sem mig langar að nefna við ykkur
Óskilamunir eftir mótið.
Ég verið að fá nokkrar fyrirspurnir vegna óskilamuna. Ég hef bent fólki að hafa samband við mótshaldara beint á norduralsmot@kfia.is og spyrjast fyrir um þar.
Óskilamunir í KR
Ég fór í KR í morgun og það er fullt af óskiladóti þar eftir fótboltanámskeiðið og sá ég t.d. flíkur merktar MUMMI og AXEL ORRI - ég hvet ykkur til að fara og kíkja í dallinnn í anndyri KR
Uppgjör eftir mótið
Mér sýnist fjótt á litið að nokkur peningur standi eftir á reikningnum okkar eftir mótið. Í dag er staðan á reikningnum okkar rúmlega 50.000 krónur í plús. Ástæðan er fyrst og fremst sú að hópurinn fékk margar mjög veglegar gjafir fyrir mótð og er þá helst að nefna - Súkkulaðikökuna frá Matbæ, Fullt af brauði frá Myllunni, Marga kassa af ávöxtum frá Búri og Ávaxtasafa og Weetos frá Ölgerðinni. Þúsund þakkir til þeirra sem græjuðu þetta fyrir hópinn.
Nestisbúnaður og Fánar
Nestispokum og nestisboxum ásamt Fánun (það sem eftir er af þeim ) á að skila í afgreiðsluna í KR heimilinu en þar er poki merktur flokknum. Ef einhvejrir matar- eða drykkjarafgangar voru hjá liðunum þá vil ég EKKI fá það til baka :)
Ekki meira í bili
En bara takk fyrir frábært mót og góðan félagsskap
Njótið sumarsins
Kveðja
Rósa
20 júní 2013
Gisting - leikjaplan og fleira MJÖG mikilvægt
Sæl enn og aftur
Nú eru frekari upplýsingar komnar frá skaganum.
Leikjaplön
Búið er að setja fram leikjaplan fyrir föstudaginn. Ég vil vekja athygli á því að villa var í eikjaplaninu sem sett var fram á vefinn mótsins í morgun, búið er að lagfæra það. Hér er hægt að nálgast planið
Þetta er mikið plan og oft flókið að lesa út úr því. Þannig ég setti saman smá lista til að vonandi einfalda þetta fyrir foreldrum.
KR Lið | Riðill á leikjaplani | Skamstöfun á leikjaplani | Heiti liðs samkv. Leikjaplani |
Lið 1 | O | Ao2 | KR |
Lið 2 | S | Bs2 | KR1 |
Lið 3 | U | Bu4 | KR2 |
Lið 4 | F | Df1 | KR |
Lið 5 | U | Cu3 | KR1 |
Lið 6 | J | Cj3 | KR2 |
Lið 7 | K | Ek3 | KR |
Lið 8 | K | Fk3 | KR2 |
Lið 9 | O | Fo4 | KR1 |
Leikjaplan laugardagsins kemur svo á föstudagskvölið og fer það eftir hvernig leikir spilast á föstudeginum.
Gisting
Þetta árið gistir KR í Grundaskóla og er það skólinn sem er beint á móti keppnissvæðinu. Strákarnir eru á annari hæðinni og fáum við úthlutað fjórum stofum (D201 D202 D203 D204) . Hópnum verður skipt niður í stofur. Liðin verða höfð í sömu stofum og fer það eftir stærð stofanna hvernig skiptingin verður.
Nestismál
Nestispokar fyrir liðin verða tilbúin strax í fyrramálið. Liðin geta fengið pokana í Frostaskjóli eða sótt þá þegar við erum komin upp á Skaga. Í pokanum er brauð, safar, ávextir, álegg, eldhúsbréf og eitthvað góðgæti. Foreldrar ráða því algjörlega sjálf hvernig þeir haga nestismálum liðanna. Annað kvöld verður svo hægt að fylla á það sem þarf - ef einhver verður skyndilegar matarlaus (mjög ólíklegt) Þá er hægt að hringja í lagerstjórann :) Rósu 895-1996 og nálgast meiri mat.
Nestispokum og kössum ber svo að skila í Frostaskjól - afgreiðslu á þriðjudaginn eftir mót.
Það sem foreldrar þurfa að grípa með sér er lítið skurðabretti, hnífur og smjörhnífur og jafn vel eplaskeri. Sumum finnst gott að hafa kælibox og það er fínnt
Tímasetningar
Það er mjög mikilvægt að virða allar tímasetningar á mótinu. Liðin þurfa að mæta tímanlega á völlin og þegar fyrri leikur er að klárast að staðsetja sig við markendann. Liðin ganga svo í röð inn á völlinn. Að leik loknum takast liðin í hendur og þakka fyrir sig.
Eins með matartíma og liðsmyndatöku - liðin verða að mæta tímanlega svo allt gangi nú vel fyrir sig. Hér er er dagskráin sem búið er að gefa út og svo er gott að fylgjast með vefnum en allar upplýsingar eru settar þar fram.
Að lokum
Það eru nokkrir hlutir sem mig langar að nefna að lokum.
við erum fyrst og fremst komin saman á Skaganum til að hafa ánægjulegan tíma með strákunum okkar, fjölskyldu og vinum. Höfum gleðina og jákvæðnina að leiðarljós á næstu dögum. Hrós er ein besta leiðin til byggja upp sjálfstraust - líka í mótlæti.
Liðið tekur þátt í mótinu sem ein heild. Þannig hvetjið allt liðið áfram ekki bara ykkar strák (ég veit það getur verið erfitt ) Það er ekki neinn einn sem skorar mörkin - mörk koma þegar samvinnan er til staðar eins er það ekki neinn einn sem getur varið öll mörkin, Mörk verjast þegar liðið vinnur saman. Þannig Leikir vinnast á samvinnu og ánægja verður líka þegar strákarnig finna okkar stuðning bæði þegar leikir vinnast en líka þegar mótlæti er.
Forðist að setja of mikla pressu á strákana - auðvitað eru þeir að reyna að gera sitt allra besta -
Látið þjálfara og eða liðsstjóra um að stýra liðinu - það er erfitt að vita hvað maður á að gera þegar kannski 10 foreldrar kalla þetta og hitt út á völlinn. Þannig hvetjum KR áfram og alla strákan.
Að leik loknum er gott að spyrja hvort hafi verið gaman hvort þeir séu ekki ánægðir með frammistöðuna. Benda á það sem vel fór í leiknum. Ekki leggja áherslu á úrslit leiksins heldur upplifunina sjálfa.
Annars hlakka ég til samverunnar um helgina
Sjáumst í Frostaskjóli í fyrramálið
Áfram KR
Rósa
Ekki á morgun, heldur hinn - Meira um Norðurálsmót
Hæ hæ
Fleiri upplýsingar til ykkar Norðurálsmótsfara
Tjaldsvæðið
Búið er að úthluta tjaldsvæðum á Skaganum. KR er á svæði sem kallast Safnaflöt, Hér má nálgast allar upplýsingar um tjaldsvæðin, kort og fleira.
Simaskráin
Ef þig vantar eintak af símaskránni, sendu mér þá línu rosa@rosa.is og ég sendi hana til þín
Hvað þarf að hafa með sér
Hér er tékklisti til viðmiðunar fyrir það sem strákarnir þurfa að koma með. Ef það er spáð rigningu (sem sumar veðurspár eru að gera )þá er ráðlegt að auka magnið af sokkum, buxum og skóm.
• 1-2 íþróttagallar
• 2-3 bolir
• 1 þægilegar buxur (sérstaklega ef aðeins 1 íþróttagalli er til staðar)
• 2 sokkar
• 2 fótboltasokkar (svarta)
• 3 nærbuxur
• KR Stuttbuxur
• KR keppnispeysa (það verður lánað þeim sem ekki eiga)
• Rúllukragabolur, hvítur/svartur (undir keppnisbol)
• Gammósíur (svartar ef hægt er)
• Fótboltaskór
• Íþróttaskór
• Legghlífar
• Flíspeysa
• Regnjakki
• Regnbuxur
• Vettlingar
• Húfa (svört ef hægt er) / KR buff
• Dýna/vindsæng
• Svefnpoki/sæng
• Koddi
• Náttföt
• Tannbursti / tannkrem
• Vatnsbrúsi (eða tóm 1/2 lítra gosflaska)
• Sundföt
• Handklæði
• Bakpoki undir sundföt
• Spil, blöð og bækur
Að gefnu tilefni er ekki ráðlagt að taka með sér Ipada eða poda, töluvspil eða aðra dýra hluti sem auðveldlega geta glatast.
Muna að merkja allt sem hægt er að merkja
Búnaður fyrir foreldra :)
• Útilegustólar fyrir foreldra og teppi
• Góður bolli sem heldur kaffinu heitu
• Sólarvörn - því það VERÐUR sól
Leikjaplön
Leikjaplönin koma á morgun og verða send í tölvupósti
Brottför og rútuferðin
Mæting er í Frostaskjól á föstudaginn rúmlega 8 og verður lagt af stað klukkan 8:30 stundvíslega. Ég vil minna á að einn fullorðin fylgir hverju liði í rútunni
Frekari upplýsingar
Allar upplýsingar um mótið sjálft er hægt að nálgast á heimasíðu mótsins - Norðurálsmótið 2013
Eins er alltaf hægt senda okkur Valþóri línu að slá á þráðinn
Valþór - vallihh@hotmail.com sími 892-1341
Rósa - rosa@rosa.is sími 895-1996
Kveðja
Rósa
17 júní 2013
Norðurálsmót - Fyrstu upplýsingar og SÍMASKRÁ
Nú fer að styttast í brottför hjá fótboltahetjunum okkar.
Það þarf að koma nokkrum hlutum á hreint og verða næstu dagar notaðir til koma upplýsingum til ykkar þannig allir verði sem best undirbúnir fyrir skemmtunina.
Svo nú byrjum við
SÍMASKRÁ
Verið er að leggja lokahönd á símaskránna og langar mig að biðja liðin um að fara yfir símaskránna, leiðrétta villur og bæta við númerum þar sem það á við og senda mér til baka leiðréttingu í síðasta lagi á Miðvikudaginn rosa@rosa.is
EF þú hefur ekki fengið tölvupóst frá mér með símaskrá liðsins þá ertu ekki kominn á blað. Viltu senda mér upplýsingar um netfang, nöfn foreldra og símanúmer á netfangið rosa@rosa.is
BROTTFÖR
Brottför er á föstudagsmorgninum og verður mæting út í Frostaskjól rúmlega 8 og lagt verður af stað 8:30.
TJALDAMÁL
Það virðist vera að myndast góð útilegustemming í foreldrahópnum og virðast margir ætla að gista á Skaganum þessa helgi. Það þarf að láta vita hvort þið ætlið að nýta ykkur tjaldsvæðið og þá þarf sérstaklega að fá upplýsingar ef fólk er með fellihýsi. Láta vita í síðasta lagi á þriðjudaginn rosa@rosa.is, Við fáum svo að vita á miðvikudaginn hvar við fáum pláss á svæðinu.
Enginn FYLGDARMAÐUR
ef til vill er einhver strákur í þeirri stöðu að aðstandendur komast ekki með á mótið eða geta bara verið hluta af mótinu. Mig langar að fá upplýsingar um af aðstæður eru svoleiðis rosa@rosa.is. Mikilvægt er að finna einhvern í liði stráksins til að vera honum innan handar svo enginn verði eitthað hræddur, óöruggur eða útundan.
MATARMÁL
Ef einhver er með ofmæmi fyrir einhverju matarkyns þá reyna aðstandendur mótsins að koma til móts við slíka keppendur. Ef strákurinn ykkar er með eitthvað slíkt ofnæmi þá þarf að láta vita af því rosa@rosa.is í síðasta lagi á þriðjudaginn svo hægt sé að koma upplýsingunum til skila.
NESTISMÁL
Vel hefur gengið að fá styrki fyrir nesti strákanna.
Oddsteinn í Matbæ - pabbi Gísla gefur hópnum súkkulaðiköku sem verður í kvöldkaffinum á laugardaginn
Myllan gefur hópnum fullt af brauði
Svanhildur mamma Kára - græjaði fullt af ávaxtasöfum fyrir hópinn
Valþór græjaði nokkra ávaxtakassa fyrir hópinn
Osta og smjörsalan gefur hópnum ríkulegan afslátt af ostum og smjöri
Nestispokar verða svo afhentir við anndyri skólans sem við gistum í strax á föstudagsmorgninum.
FYRIRSPURNIR og önnur mál
Ef ykkur vantar einhverjar upplýsingar eða viljið koma einhverju á framfæri sendið okkur endilega línu eða sláið á þráðinn
Valþór - vallihh@hotmail.com simi 892-1341
Rósa - rosa@rosa.is simi 895-1996 - Í tölvupóstinum var ekki rétt númer en þetta er rétt :)
KR kveðja
Rósa
15 júní 2013
07 júní 2013
Sumaræfingar ATH breyttur tími
Hæhæ
Nú er komið að sumartímanum hjá okkur og byrjar hann á mánudaginn 10.júní.
Tíminn breytist aðeins að ósk KR en hann verður svona:
2006 : 12:30-13:30
2005: 13:30-14:30
Æft er mánu-þriðju-miðviku- og fimmtudaga
Þegar æfingarnar eru búnar er enginn meiri gæsla þannig að þið þurfið að gera ráðstafanir með það.
Athugið að 2006 árgangurinn er búinn 13:30 og er enginn gæsla eftir æfinguna!
Ég minni svo á knattspyrnuskólann sem byrjar einnig á mánudaginn og hvet ég fólk til að skrá sig í hann. Upplýsingar um hann er að finna hér:
http://kr.is/sumarnamskeid_kr/
Með sumarkveðju
Valþór
Nú er komið að sumartímanum hjá okkur og byrjar hann á mánudaginn 10.júní.
Tíminn breytist aðeins að ósk KR en hann verður svona:
2006 : 12:30-13:30
2005: 13:30-14:30
Æft er mánu-þriðju-miðviku- og fimmtudaga
Þegar æfingarnar eru búnar er enginn meiri gæsla þannig að þið þurfið að gera ráðstafanir með það.
Athugið að 2006 árgangurinn er búinn 13:30 og er enginn gæsla eftir æfinguna!
Ég minni svo á knattspyrnuskólann sem byrjar einnig á mánudaginn og hvet ég fólk til að skrá sig í hann. Upplýsingar um hann er að finna hér:
http://kr.is/sumarnamskeid_kr/
Með sumarkveðju
Valþór
Gerast áskrifandi að:
Færslur (Atom)