Rútuferðir frá frístundaheimilum
KR býður foreldrum barna sem hefja æfingar kl. 15:30 og 16:20 upp á að sækja börnin í frístundaheimilin Selið og Skýjaborgir. Börnin fá aðstöðu í félagsheimili KR milli æfinga og fram til 17 og eru þar undir eftirliti frístundaleiðbeinenda frístundaheimila Frostaskjóls, að því gefnu að minnst 12 börn fari með hverri rútu. Boðið verður upp á ferðir á þriðjudögum og fimmtudögum til að byrja með . Farið verður frá Vesturbæjarskóla kl. 15:05 og Melaskóla kl. 15:15. Börnunum er ekki ekið tilbaka í frístundaheimilin að æfingu lokinni og því þurfa foreldrar að sækja þau í KR heimili fyrir kl. 17.00. Rútuferðirnar eru einungis í boði fyrir börn í 1. og 2. bekk og dvöl í félagsheimilinu er eingöngu í boði fyrir þau börn sem skráð eru í frístundaheimili þessa daga. Ef þið viljið nýta þessa þjónustu vinsamlegast sendið tölvupóst á stefan@kr.is og skyjaborgir@itr.is eða selid@itr.is eftir því sem við á og tiltakið nafn barnsins, kennitölu og skóla. Börn verða ekki send úr frístundaheimilum nema foreldrar hafi látið vita að þau eigi að nýta þessa þjónustu. Akstur hefst þriðjudaginn 04.09.