Kæru leikmenn og foreldrar
Mig langaði að setja smá hérna inn um það sem við höfum verið að gera og aðeins um það sem er framundan hjá okkur.
Æfingar:Æfingarnar á nýju ári hafa farið frábærlega af stað að mati okkar þjálfarana við höfum bætt við okkur einum þjálfara og erum því fjórir á þriðjudögum og fimm á fimmtudögum.Þriðjudagsæfingarnar hjá okkur fara í að spila og þar skiptum við yngra árinu á þrjá velli og eldra árinu á fjóra,við reynum að hafa ekki fleiri en 4-5 í liði svo allir fái tækifæri á að hafa boltann sem mest.Við höfum séð góðar framfarir í spili hjá flestum ef ekki öllum okkar leikmönnum.Á fimmtudögum höfum við svo 3-4 stöðvar þar sem ein stöðin er oftast spil stöð og svo eru hinar stöðvarnar með allskyns tækniæfingum.Á yngra árinu höfum við verið að leggja mesta áherslu á að leikmennirnir nái sem bestu valdi á boltanum og reynum við að láta þá vera sem mest eina eða í litlum hóp með bolta.Á eldra árinu höfum við svolítið verið að leggja áherslu á að spila boltanum á milli sín þ.e.a.s halda honum innan liðsins og halda stöðum í leiðinni og minnka það að allir elti boltann í einu.Fimmtudagana 13.og 20.feb munu svo koma til okkar leikmenn úr meistaraflokki KR og hjálpa okkur með æfingarnar og spjalla við drengina.Það er svo í vinnslu hvenær við komumst út að æfa en ég vona að það verði einhverntímann í Mars.
Mót: Við stefnum á að fara með alla drengina á a.m.k þrjú mót frá vori og fram á haust.Ég er þegar búinn að skrá okkur til leiks á Stjörnumótið sem verður haldið 27.apríl og svo er í vinnslu að fara á mót í kringum 20.mai.Og að lokum er rétt að minnast á aðalmótið okkar Skagamótið en það verður haldið helgina 20.-22.júní á Akranesi.Við stefnum svo á að taka einn til tvo æfingaleiki í Febrúar-Mars.
Ef þið hafið einhverjar spurningar eða viljað ræða eitthvað sem tengist drengjunum og flokknum þá er um að gera að hafa samband.
KR kveðja Atli Jónasson
s:6591794
atlijo88@gmail.com
Engin ummæli:
Skrifa ummæli